فتاة تم تشويه اسنانها في مستوصف اهلي

السلام عليكم ..[ندعوك للتسجيل في المنتدى أو التعريف بنفسك لمعاينة هذه الصورة]
كلنا نعرف مخاطر المستشفيات الاهليه .هذي البنت ماكانت تشكي من خطأ طبي بس الا تشويه لأسنانها الاماميه

البنت كان في احد اسنانها الاماميه تسوس مره من المرات انكسر نص السن وراحت لمستوصف ملاك الي بشارع

الزبير بن العوام في الرياض لطب وتجميل الاسنان . راحت البنت عند الرسبشن ودخلوها على دكتوره جنسيتها اسيويه

واول مانادت الممرضه الي تساعد الدكتوره على البنت طلعت البنت من غرفة الانتظار وراحت مع الممرضه

والله معامله فظيعه الممرضه انهبلت مدري وش فيها حسب الكلام الي تقوله البنت ان الممرضه ماتبغى تشتغل مع هالبنت

خاصة انها توها جايه من بيتها . ابد مارتاحت البنت على طول قالت لواحد رجال يشتغل بالمستوصف انها تبغى دكتره ثانيه

الممرضه اخذت ملف البنت وراحت تهز من الفرح وقدام الرجال لاحيا ولا حشمه طبعا ودت ا لملف للرسبشن

وغيرولها خلوها عند دكتوره سوريه ورجعت البنت لغرفة الانتضار لين مانادو عليها دخلت البنت عند الدكتوره

وقعدت على السرير وقالت لها الدكتوره وش عندك قالتلها البنت سني انكسر الدكتوره بدأ عليها علامات غريبه تنفخ

ومدري وش فيها لأنها تعرف ان هذا المستوصف موب مستوصف تجميل بعدين خلت البنت توقع على الملف حقها

وحطتلها ابرة بنج عشان تخلع السن بعد كذه البنت قالت للدكتوره انها تبغى تركب سن الدكتوره قعدت تقولها عن انواع

الاسنان الي تبغى البنت تركبها الي بألف والي بثلاثة الاف والي بخمسة الاف ريال البنت قالت انها تبغى ارخص شي

قالت لها الدكتوره ارخص شي تجميل يشوه شكلك انتي تبغي تتشوهي بعدين قالتلها البنت طيب احسن شي قالت الدكتوره

احن شي الي بخمسة الاف بس الدكتوره خفظت السعر خلته بأربعة الاف ريال عشانها قالت انها مشتهيه تركبه للبنت

وقالت للبنت انه ماراح يبين انه تركيبه ابد . خلعت السن للبنت واعطتها موعد في نفس الشهر عشان يلتئم الجرح

ألتئام الجرح الي في السن مايلتئم في نفس الشهر دايم يلتئم في الشهر الي بعده هذا من جهل هالدكتوره بعد ورجعت

البنت للمستوصف وقالتلها الدكتور ان جرحها باقيله شوي ويلتئم اعطتها موعد في الشهر الي بعده وكل مره تروح البنت

للمستوصف تعطيها الدكتوره موعد عشان تركبلها اسنان مؤقته جاء يوم الموعد وراحت البنت للمستوصف وحفرتلها

سنين عشان تركب عليه الاسنان التركيبه من قوة الحفر والامبلاه كسرت لها جزء بسيط من سنها هذا السن ماله علاقه

بالاسنان الي راح تركبهم البنت. اعطتها موعد عشان الاسنان المؤقته ورجعت البنت للمستوصف ركبتلها

اسنان مؤقته وقالتلها السبت راح نخلص وركبلك الاسنان الدائمه يوم السبت اتصل المستوصف على البيت وقا لو ان

الموعد يوم الاثنين راحت البنت يوم الاحد البنت اول مادخلت شافت الدكتوره بس الرسبشن قالو للبنت ان موعدها يوم

الاثنين الدكتوره سحبت البنت وقالت مدام جيتي خلينا نخلص لأنه مستوصف اهلي لو مستشفى حكومي مستحيل

يدخل المريض في أي يوم لازم يدخل في اليوم والتاريخ المحدد الدكتوره خلت البنت تقعد على السرير وبدت تشتغل

على اسنانها جابت الدكتوره الاسنان الي راح تكون دائمه حطتها على اسنان البنت وخلت البنت تشوفها بالمرايه

شافتها البنت وماعجبتها ابدالبنت شافت الاسنان كبيره ومختلفه عن اسنانها الدكتوره تبغى بأي طريقه تخلي البنت تروح

وكل شوي تقول ان هذي الاسنان احلى من اسنانك اول مع ان اسنان البنت اول احلى واجمل البنت ماأخذت

راحتها عشان تفكر ان الاسنان هذي حلوه ولا لا .
من عادةهالبنت تاخذ وقت في التفكير الدكتوره خلت البنت توقع على
الملف وابتسمت للبنت وراحت البيت.
تقول البنت اذا شربت مويه سن من اسنانهاالاماميه يصقع مع ان هذا السن ماله علاقه بالاسنان الثلاثه السن هذا كان فيه تلبيسه

من قبل نفس الشي من قوة الحفر والامبلاه أنشالت التلبيسه السن هذا هو نفسه الي انكسر منه جزء بسيط

البنت ابد مارتاحت مع الاسنان التركيبه ولا السن الي انكسر وانشالت تلبيسته تخيلو اذاقفلت اسنانها الي فوق

والي تحت واحد من الاسنان التركيبه مايخليها تقفل اسنانها عدل بعدين قامت البنت شافت السن بالمرايه

شافته سميك من تحت وجاي على قدام واطول من السنين الي جنبه واذا لمسته بأسنانها السفليه تقول

والله حجر ويطلع صوت اذا حكته بأسنا نها السفليه حتى لو مضمضت مره مارتاحت مع الاسنان هذي

رجعت البنت للمستوصف وقالت للرسبشن انها تبغى تكلم الدكتوره الي تشتغل في الرسبشن راحت عند الدكتوره وقالتلها

كلمتين يوم رجعت قالت للبنت ادخلي دخلت البنت عند الدكتوره وقعدت تشكي معاناتها سكتتها الدكتوره وقالت لها

انتي الحين ماتقدري تقولي أي شي وان اسنانك هذي خلاص ماراحاقدر اشيلهم لأنها راح تخلع الاسنان الي ركبت عليهم

التركيبه بس البنت ماسكتت عن حقها وخلت الدكتوره تشتغل على اسنانها الدكتوره جابت ملف البنت وكتبت

فيه كلام وخلت البنت توقع على الملف عشان لو شوهت اسنانها بزياده وراحت البنت تشتكي تقول الدكتوره

هي وقعت وانتهى الموضوع .البنت قالت للدكتوره لازم ترجع سن من اسنانها التركيبه لورا وتقصره

الدكتوره مارجعته قامت تحفر فيه شوي شوي لأنها عارفه بالأخير راح تكسره لو حفرت زياده

وماعرفت وش لون تنقص من طوله قامت تحفر سن من اسنان البنت تحت البنت على طول بعدت يد الدكتوره
لأنها عارفه راح تشوه لها اسنانها الي تحت البنت صارت تقول للدكتوره لاتلمسي اسناني الي تحت

مادرت البنت الا والدكتوره تصرخ بأعلى قوتها ( تقول افتحي افتحي ….

بعد كذا أي شي تقوله البنت للدكتوره تنفجر في وجه البنت وتصرخ عوذبالله حتى الي برا العياده كلهم سمعوها

موبس كذا الدكتوره جابت مرايه للبنت عشان تشوف اسنانها صارت احلى ولا لا الممرضه تمعط المرايه من البنت

وتنفخ مع انها بس تمسح وجه البنت بالمناد يل وتشفط المويه مأدري وش تبغى من الدنيا .

طبعا الدكتوره عيت ترجع سن البنت لورآ وماقدرت تنقص منه لأنها راح تشوهه بزياده ولما قالت لها البنت راح
اعيش طول عمري كذه دافعه فيه اربعة الاف ريال موبلاش قالتلها الدكتور ايه عيشي كذه الفلوس الي دفعتيها للمعمل

مو من جيبي .بعدماخلصت الدكتوره

الاسنان التركيبه قالتلها البنت عن سنها الي كسرته لها وشالت تلبيسته تصرخ الدكتوره وتحلف انها مالها علاقه

بهذا السن لاكن البنت ماخلتها الى وقالتلها سويلي سني زي ماكسرتيه وشلتي تلبيسته بعد كذا سوته

عصبت الدكتوره وقالت للبنت انو لها واحد وعشرين سنه تشتغل في هذا المجال وحده جايه تعلمها شغلها

طلعت البنت من العياده وحلفت ماعاد ترجع للمستوصف هذا حتى
لو كل مستشفيات الدنيا قفلت ومافيه غير هذا
المستوصف مفتوح. الحذر الحذر من هذا المستوصف
الدكتورات الي فيه موب اخصائيات ولا شي جايبين حياالله دكتوره
وقاعده تشتغل فيه

هذي صوره للتوضيح وليست صوره الفتاه

[ندعوك للتسجيل في المنتدى أو التعريف بنفسك لمعاينة هذه الصورة]

هذي الصوره تبين بعد ماركبت الاسنان للتوضيح فقط
[ندعوك للتسجيل في المنتدى أو التعريف بنفسك لمعاينة هذه الصورة]

أرجو نشر هذه القصه حتى تعم الفائده

حسبنا الله ونعم الوكيل عليهم ,اصلا هؤلاء مجرد دخلاء على مهنة الطب وماخذين الامور على انها تجاره وبس
تسلمين حبيبتي والله موضوع مهم والله يعينا على دكاترة هاليومين .

» قصة فتاة قتلها البلوتوث
» مزاد علني لبيع الرجال في لبنان لأي فتاة -- بالصور
» ايميل فتاة ماتت من اسبوعين
» قصة فتاة حزينه اسمها (ملاك)
» قصة فتاة وضعت الكاميرا لتراقبها...