اقدم لكم مصقعة تأكلون أصابعكم وراها خصوصا انها بدون زيت وفوق هذا لذيذة بمعنى الكلمة اتمنى تجربونها خصوصا للي عندهم كوليسترول وللي يحافظون على صحتهم وللأصحاء اللي مايحافظون على صحتهم عشان مايجيهم شي خخخخخ
(الزبدة) لازم الكل يجربها وبتدعون لي إن شاء الله ...
المقادير
باذنجان وبطاطس
لحمة مفرومة
بصلتين وفلفل بارد
حبة طماطم
بقدونس مفروم
صلصة
ملح بهارات
الطريقة
* اولا جيبي البطاطس والباذنجان واغسليهم زين وقطعيهم شرائح مو خفيفة مرة لا وسط
* صفي الشرائح بصينية ممسوحة بزيت ورشي عليهم ملح وبهارات ودخليهم الفرن من تحت وإذا احمر ولعي النار من فوق عشان يصير مشوي
حطي اللحمة في مقلاة على النار وحركيها لين تستوي بدون إضافة اي شي
قطعي البصل والفلفل واضيفيه على اللحم مع شووي زيت والملح والبهارات وقلبيه حتى يذبل البصل
* قطعي الطماطم مربعات صغيرة واضيفيه الى اللحمة مع ملعقة صلصة وملعقتين ماء حار
* وفي النهاية اضيفي البقدونس وبكذا انتهينا من العصاج
صفي في صينية طبقة باذنجان وفوقها طبقة بطاطس ثم طبقة لحمة وكرريها مرة ثانية
بعدين جيبي المقلاة اللي سويتي فيها اللحمة وقبل ماتغسلينها وحطي فيها بيالة ماء حار وشوي بهارات وشوي صلصة وحركيها زين وصبيها في الصينية
وحطي قصدير على الصينية ودخليه الفرن لمدة 15 دقيقة
وبالهناء والعافية
والله يابنات انصحكم تسوونها لانها فعلاً لذيذة لذيذة لذيذة والاهم انها مافيها قلي ابد
[ندعوك للتسجيل في المنتدى أو التعريف بنفسك لمعاينة هذه الصورة]
البوابة 
الرئيسية 
أحدث الصور 
التسجيل 
دخول 
16/02/11, 01:31 am من طرف 
